|
Turar på Jostedalsbreen:
Lodalskåpa 2083 moh.
Turen tek om lag 10-12 timar. På veg inn dalen
til Fessene (namnet tyder ”to fossar”) passerer
vi mange moreneryggar. Den mest markerte er
endemorenen frå 1750 (den vesle istida) som går
i ein boge over heile dalen. Vi går opp langs
Fessene og kjem inn i ein sidedal. I botnen av
denne byrjar Brattbakkane. Etter ca. 4 timar når
vi breplatået, Bohrsbreen, ca. 1700 moh. Etter
ca. 1 times matpause kryssar vi Bohrsbreen i tau
og går opp til Vesle-kåpa. Her må vi på med
bretau att. Vi går mellom Vesle-kåpa og Kåpa og
når innsteget (hanken) til Kåpa. Etter ca. 6-7
timar er vi framme ved toppvarden på Lodalskåpa
(2083 moh.). Storslått utsyn over
Jostedalsbreen, Europas største fastlandsbre. I
nord ser du Skridulaupen, i vest Skålatårnet og
i aust Hurrungane og Fanarokken. Du ser rett ned
på Småttene, brefallet som går opp aust for
Lodalskåpa. På breplatået ser du Brenibba og
Høgste Breakulen.
Frammøte etter nærare avtale med bre- og
fjellførar.
Briksdal Breføring AS har føring på Lodalskåpa
på førespurnad.
Fjærland – Briksdal
Ein overnattar på Flatbrehytta i Fjærland
kvelden i førevegen. Hytta må bestillast i god
tid før turen. Tidleg neste morgon byrjar ein på
turen over Jostedalsbreen til Briksdal. På vegen
har ein storslått utsyn over mange kjende
fjelltoppar rundt Jostedalsbreen Nasjonalpark og
omkringliggjande fjellområde. Turen over til
Briksdal tek 12-14 timar. Dette er ein god gamal
klassisk breovergang på Jostedalsbreen. Turen
ned til Briksdal går via Slingsby-varden og ned
over Kattanakken. Utsynet ein har over
Briksdalen og omkringliggjande brear vert ikkje
betre enn på Kattanakken.
Tursesong: tidleg sommar.
Frammøte etter nærmare avtale med bre- og
fjellførar.
Briksdal Breføring AS har føringssturar
Fjærland
- Briksdal på førespurnad.
Ta kontakt for alle typar turar på
Jostedalsbreen.
|
 |
